april 2017

des moos af da sä

 

oiss wos ma dengan

miass ma ned sogn

 

oiss wos ma wissn

brachan ma ned frogn

 

oiss wos vazöhd wiad

miass ma ned hean

 

oiss wos ma lachan

brauchan ma ned rean

märz 1017

wichddikeid

 

mia brauchan d lufdd

owa d lufdd brauchdd uns ned

 

mia brauchan en woid

owa da woid brauchdd uns ned

 

mia brauchan a wossa

owa des wossa brauchdd uns ned

 

mia brauchan de erdn

nedda de erdn brauchdd uns ned

februar 2017

lebm


driwadrau

driwaschau

iwamocha

driwa locha

zeaschdd nix schean

iwahean

iwageh

ieaschdeh

iwalebm

iwalegn

jänner 2017

horoskop


die gleichgültigkeit ihrer flossen

die überzeugungskraft der hellen quadrate

versuchen sie zu taktieren

ein knieweiter moment könnte sie

in selbstzweifel bringen

eine verkühlung im biotop

das möbelhaus in der karibik

auf rosinen im stuhl sollten sie achten

öffnen sie ihre augen

malen sie auffallende wandteppiche

schmelzen sie schnee in irdenen dellen

springen sie in die landschaft

meiden sie krawall auf der zunge

eines müssen sie in kauf nehmen

der humor steigt mit der weisheit

der rätsel lösungen sind

entwöhnung ist gewöhnung

verwöhnung ist vieles

gewöhnung ist alles

dezember 2016

olejoawieda

 

olejoawieda

a so a deadda

 

olejoawieda

a so a damdam

 

olejoawieda

a so a gfredd

 

olejoawieda

a so a gschduari

 

olejoawieda

a so a gwiaxdd

 

gehds uns guad

olejoawieda

november 2016

iwaroi auf da wäd


des gras is iwaroi grea

da hümö is iwaroi blau

de nochd is iwaroi schwoaz

des wossa is iwaroi nos (nass)

des bluad is iwaroi reod (rot)

juni 2015

rezebdd

(va mein lehra prof. roland girtler)

 

en da mundoadd

liegdd hoamad und freid

und de schbroch mochd di wiff,

fesch und gscheid

du kounsd glaubm wosdd mogsdd

du bisd oiss – wosd du sogsd

du brauchsd nedda nu

gligg, schwein und schneid

mai 2015

uaschbrung

 

de giea

hausdd in da säm sä

wia da neid

 

da glaubm

bedd ausn gleichn maö

ois da zweifö

 

da schdoizz

reidd auf den säm esl

wia da hochmuad

 

de liab

bliad auf den gleichn hoiz

ois de freid

april 2015

woun i amoi groß bi

 

doun vazö i eng wos

va da zeit, wo i mi va oiss gfiachdd hob

 

waö woun i oamoi groß bi

doun wiad oiss bessa

 

woun i amoi groß bi

doun vazö i eng va dea zeid

wo i nu oiss glaubdd hou

 

waö woun i amoi groß bi

doun wiad oiss leichdda

 

woun i oamoi groß bi

doun dua i wos i wü

und hoff, das i nu wü, wos i dua

 

waö woun i amoi groß bi

doun wiad oiss schena

 

woun i amoi groß bi

doun wead i oiss aufschreibm

damid i nia vagiss, va wo i heakim

 

waö woun i amoi groß bi

doun is gwies oiss gounz oundas

märz 2015

nedda a gedichdd

(gerappt)

 

i kenn en weg ned - suach, findd, und valia mi

schau weid aus hiefia – glaub und hoff - und i ia mi

iawandd schlaund ma de roas – gehd schee schleini beagauf

und mia wiad schnä sauhoas - das i schwizz und schwa schnauf

i bi d nuss, ned da bam – i bi gosdd und ned wiadd

i bi wüd und bi zahm – bi a bleamö vabliad

fausdddigg hou is ned fü – sondan nedda a gligg

und i füh mi dead losxogdd

va jedn gerichdd

waö i bi nedda do

und vazöh a gedichdd

 

und du denxdd i bi schdoag - und bi iwa oin zweifö

ohne ounxdd ohne fiachddn - hoid a lisddiga deifö

i ren blind duach mei lebm - mid an schedl voi büda

zöh vaschdoin meine schdunddn - und wead müda schdod wüda

i suach hoamad und tisch - woas des gäd is popieara

hobs vaschdön hindda mia – logg koan ganggarl mea fiara

i bin hümö und hö - und bi sunzdd wiadawö

i bi oasch und bi xichdd

gezz ned z schwah ins gerichdd

waö i bi nedda do

und vazöh a gedichdd

dezember 2013

schlussxoung

 

schdü dosizzn und woaddn

se wos wünschn

gounz innig und hoas

a gedichdd schreibm

oafoch nedda fia mi

a liachdd ouzinddn

in da schdogfinsddan

a liadl singa fia uns

gounz alloani

november-2013

eiwinddan

 

de fäda hand noggad

und de schwoibm roasn

 

de nachdd weadn loung und lenga

und en ofm gloosdds schou

 

wea hiaz koa heisl hod

dea baud se koans mea

 

ums heisl rean d windhundd

und da teich griaggd a aglozzn

Weitere Beiträge...