2012 - jänner

mefisddo

 

kim und renn, saus duach dei lebm

hindda dia hands af da bass

und se wean ea foungzeig legn

eana jogddlusdd hoamli bflegn

waö se hand a oide rass

 

schau hifia und a af d seiddn

schussbereidd is eana bix

es güdd schou seid uaoid zeiddn

mochsdd wos bessa, weans dia s neiddn

loggn di mid olle drix

 

drum sei wiff, schbü ned en hädn

woadd bis umi is des gwiaxdd

niada jaga wiad se mädn

mochd an fäla, driafdd en gfädn

wouna a nu so fü liagdd

 

und de hazz wiad niamois enddn

joa und dog basdd oana fia

mechdd di founga mechdd di lenggn

und mid seina lug vablenddn

hod en fuas en deina tia